(Видео) Манасиевски: Промените во Македонија започнаа со заминувањето на Заев, продолжија со Ковачевски и ќе завршат со заминување на Филипче

Промените во Македонија започнаа со заминувањето на Зоран Заев, продолжија со Димитар Ковачевски, а следен на политичката сцена ќе биде лидерот на СДСМ, Венко Филипче, порача портпаролот на ВМРО-ДПМНЕ, Валентин Манасиевски.

— реклама —

На денешната прес-конференција, Манасиевски го обвини Филипче дека се обидува да ги наметне своите тврдења со постојано повторување и ја критикуваше неговата позиција кон српскиот претседател Александар Вучиќ.

Тој тврдеше дека додека биле на власт, Заев и Филипче одржувале блиски односи со Вучиќ, го пречекувале на границата по повод донацијата на вакцини и го носеле во посета на македонски винарии. Манасиевски посочи и дека Александар Обрадовиќ и Зоран Башановиќ, за кои рече дека се блиски соработници на Вучиќ, биле ангажирани како советници во владата на Заев.

— реклама —

Манасиевски порача дека СДСМ треба да се занимава со состојбите во сопствената партија, наместо да слави изборни резултати на политички партии во други држави. Тој го повика Филипче, доколку е подготвен за избори, да побара нивно распишување.

— реклама —

Осврнувајќи се на политичките промени во земјата, портпаролот на ВМРО-ДПМНЕ рече дека со заминувањето на Заев и Филипче од власта, а потоа и на Ковачевски, граѓаните добиле надеж за подобра иднина.

„На прашањето кое го поставува Филипче, а тоа е кој е следен, имаме многу лесен одговор: Филипче, ти си следен“, порача Манасиевски.