(Видео) Манасиевски: „СДС, Левица и ДУИ намерно го опструираат носењето на Изборниот Законик поради лошите рејтинзи“

Портпаролот на ВМРО-ДПМНЕ, Валентин Манасиевски, на денешната прес-конференција обвини дека СДСМ, Левица и ДУИ намерно го опструираат донесувањето на Изборниот законик поради, како што рече, страв од изборен пораз и слаб рејтинг.

— реклама —

Според Манасиевски, иако со месеци се работело на постигнување консензус меѓу политичките партии, опозициските партии избрале да го блокираат процесот и да создадат конфузија во јавноста околу реформскиот закон.

— реклама —

Тој оцени дека Левица го блокирала договорот за Изборниот законик за да најде оправдување за евентуален слаб изборен резултат, додека СДСМ, според него, го кочи законот со поднесување околу 10.000 амандмани и противење на електронското гласање на дијаспората.

Манасиевски посочи дека и ДУИ се приклучила кон блокадата со барање сите одлуки во Државната изборна комисија да се носат со консензус, наместо со мнозинство.

— реклама —

„ВМРО-ДПМНЕ јасно кажа дека ќе прифати сè што ќе договорат опозициските партии, само да се олесни начинот на гласање на дијаспората“, изјави Манасиевски.

— реклама —

Тој додаде дека со ваквиот пристап, според ВМРО-ДПМНЕ, опозицијата покажува дека нејзин приоритет не се интересите на иселениците, туку партиските калкулации.