Пешак е тешко повреден во сообраќајна незгода што се случила денеска напладне на булеварот „Св. Кирил и Методиј“ во Скопје.
Според информациите од Министерство за внатрешни работи, несреќата била пријавена во 11:15 часот во СВР Скопје, кога патничко возило „мерцедес“ со скопски регистарски таблички, управувано од В.М. (40), удрило во пешакот Г.Д. (55).
По ударот, повредениот пешак со возило на Итна медицинска помош бил пренесен во Комплексот клиники „Мајка Тереза“, каде му биле констатирани тешки телесни повреди.
На местото на настанот извршен е увид од увидна екипа на СВР Скопје, а се утврдуваат околностите под кои се случила сообраќајната незгода.
