(Видео) Милевски: Две години ВМРО и Борко Ристовски го уништуваат спортот - со ребаланост поддршката е преполовена

На денешната прес-конференција, Панче Милевски – Панта обвини дека со ребалансот на Буџетот Владата дополнително ја намалила финансиската поддршка за спортот и дека во изминатите две години директните средства за спортските субјекти се речиси преполовени.

— реклама —

Милевски оцени дека поддршката за спортските федерации, клубови и индивидуални спортисти останува на 5,4 милиони евра, додека, според него, во 2024 година изнесувала 10 милиони евра, а во 2025 година била намалена на 6,7 милиони евра.

Од СДСМ тврдат дека Владата не обезбедила дополнителни средства за субвенции за спортските субјекти и дека наместо системска поддршка на спортистите, најголем акцент е ставен на градежни проекти.

— реклама —

Во партијата ја посочија и спортската сала „Расадник“, за чија реконструкција, според нив, биле потрошени околу 1,9 милиони евра. Од СДСМ прашуваат дали објектот имал технички прием пред свеченото отворање, со оглед на тоа што, како што наведуваат, еден месец подоцна повторно се изведувале работи на паркетот.

— реклама —

Во своето обраќање Милевски упати критики и до министерот за спорт Борко Ристовски, оценувајќи дека недостига стратегија за развој на младинскиот спорт и дека спортските клубови, федерациите и младите спортисти не ја добиваат потребната институционална поддршка.

Од СДСМ порачаа дека македонските спортисти заслужуваат поголеми инвестиции и подобри услови за работа и развој.

За изнесените политички оценки и обвинувања на прес-конференцијата не беа приложени докази, ниту, во ова соопштение, е содржан став од Владата или од Министерството за спорт.