Жител на скопската населба Пинтија сведочи дека утрово околу 3:40 часот го разбудила силна експлозија што потекнувала од сервис за возила во непосредна близина на неговиот дом.
„Кратко потоа, за околу десетина минути, на врата ми затропаа полицајци и ме замолија да го напуштам домот поради безбедносни причини,“ раскажува тој за медиумите.
View this post on Instagram
Пожарот, како што вели, предизвикал голем пламен и густ чад.
„Гореа гуми, пластика, работи кои можеби се и канцерогени, тоа експертите подобро знаат. Но дефинитивно не беше пријатно за дишење, особено кога сте во непосредна близина,“ додаде жителот.
Иако пожарот бил локализиран, гаснењето траело подолго време поради тоа што на повеќе места материјалите тлеле и повторно се разгорувале.
„Со навремена координација на пожарникарите, пламенот беше ставен под контрола и не беше дозволено да се прошири кон куќите во околината каде што живеат луѓе,“ нагласи сведокот.
