(Видео) Нападнат опозициски пратеник во центарот на Белград – крвав инцидент на протестите

Во улицата „Кнез Милош“ во центарот на Белград вечерва избила тепачка, при што, според првичните неофицијални информации на тамошните медиуми, група напаѓачи поврзани со Српската напредна странка (СНС) нападнале демонстранти.

— реклама —

Меѓу нападнатите е и Пеѓа Митровиќ, пратеник на опозициската партија Слобода и правда. Партијата на платформата „X“ објави снимка на која се гледа дека Митровиќ е облеан во крв, тврдејќи дека му е скршена главата со метална шипка, а потоа бил удиран повеќепати во телото.

— реклама —

Според објавата, Митровиќ е на пат кон болница. Засега нема официјални информации за неговата здравствена состојба, ниту реакција од МВР.

— реклама —

Инцидентот се случува во услови на висока напнатост поради масовните протести низ Србија, кои во повеќе градови вечерва се одвиваат со силно полициско присуство и повеќе пријавени судири.

ВИДЕОТО ПОГЛЕДНЕТЕ ГО ТУКА.