Неканет гостин се појави на патеката за крос-кантри, на Зимските олимписки игри во Милано и Коритна. Во квалификациската трка, во тимскиот спинт, заедно со натпреварувачките од Унгарија и Хрватска, последните 50 метри ги мина и куче.
Сцената од кучето кое ја премина целта на Олимписките игри привлече огромно внимание. Сепак, каква приказна стои зад сето тоа?
Назгул е двегодишен чехословачки овчар кој побегнал од сопствениот дом за да се натпреварува на Зимските олимписки игри. Одеднаш решил да се вклучи во женската квалификациска трка во крос-кантри и почнал да трча покрај некои девојки.
Назгу изгледа многу слично на волк, па е вистинско чудо што никој не се исплашил кога го видел.
По сето тоа се огласил и сопственикот.
„Само исчезна, побегна од дома. Тој е многу добро куче, многу тврдоглав и многу сладок“, објаснил сопственикот на Назгул за неговото исчезнување по кое завршил на патеката.
„Плачеше цело утро затоа што виде дека заминуваме и само мислевме дека сака да нè следи. Секогаш бара луѓе“, рекол сопственикот.
По трката се огласи Аргентинката Нахијара Дијаз Гонзалез која тогаш била на патеката.
„Беше многу среќен што ја помина целта. Бев толку фокусирана да завршам што не го гледав кучето. Беше забавно искуство и не е нормално. Не знам што правеше таму. За среќа, сè помина добро“, рече помалку исплашената Аргентинка.
