Марјана Велковска од здружението на Украинци во Македонија вели дека потребна е помош на сите граѓани кои се во Украина. Македонци кои го поддржаа протестот посочија дека војната мора да запре, а последиците од неа се осеќаат секаде па и во Македонија. Мајки, деца, тинејџери, но и возрасни сограѓани, ги поддржаа Украинците во Македонија.
„Имам роднини таму, тие се подготвени да останат таму и да се борат за својата држава. Од помош имаат потреба сите“, рече Марјана Велковска од здружението на Украинци во Македонија.
На плоштадот во Скопје, беа прикажани фотографии од состојбата во Украина, на кои се гледаат загинати лица, срушени згради, катастрофална состојба.
„Тука сум дојден за поддршка на Украина, сакам да се ослободи и да има мир. Има слична историја исто како Македонија, угнетувана е од многумина, рече еден од присутните на протестот.
„Има закани за цела Европа од нуклеарен напад. Путин ќе оди по секоја цена за освојување на Украина. Тој е монструозен, за да влезе во историјата како голем освојувач“, рече претседателот на Здружението на Украинци во Северна Македонија, Александар Урбанович.
