Советот на Општина Сарај дрско го прекршува Законот за јазици донесен од Собранието. Седниците во оваа општина се држат на албански јазик, без превод на македонски јазик и неговото кирилско писмо. За време на целата седница која ја емитуваа во живо на „Фејсбук“, присутните советници и претседател не кажаа ниту збор на македонски, а немаше опција истата да се следи на македонски.
Во Законот за употреба на јазиците стои дека сите седници се водат на македонски јазик и неговото кирилско писмо.
„Институциите наведени во ставот (1) на овој член се обврзани да овозможат превод
на сите потребни документи и материјали, како и симултан превод на излагања, изјави и рочишта во работата или постапките што се водат“ се вели во член 9 став 5 од Законот кој се однесува на сите институции.
„Скопје1“ побара став од Инспекторатот за употреба на јазиците при Министерството за правда, дали ќе извршат контрола и ќе изречат казна поради ваквото однесување на Советот на Општина Сарај. Оттаму до објавување на овој текст нема одговор.
