(ВИДЕО) „Никој нема да ме спречи да ги избркам сите што не работат, а земаат плата“

На социјалните мрежи попладнево се појави снимка на која според објавувачот се работи за гласот на директорката на Комунална Хигиена Скопје Косана Мазнева-Николиќ.

— реклама —

Во видеото се слуша глас кој вели дека ако продолжат со блокирање на претпријатието, ќе бидат избркани и ќе добијат кривични пријави, дека граѓаните не се должни и не се виновни за ништо, и дека нема да попушти под притисокот да ги повлече отказите за лица кои земале плата а не се појавувале на работа.

— реклама —

— реклама —

„Нека си мислат на семејството и на лебот, нека не ги штитат. Ако сум ги огласила тие десетмина и се поднесени кривични пријави, ништо не ме спречува да огласам уште 200. Треба да се качат во камионите и да бидат сервис на граѓаните. Ова не е штрајк, затоа што за штрајк има процедура. Ова е бунт. И не се оди против мене туку против граѓаните. Ќе ги објавам сите на огласна табла и ке има кривични пријави со дебели аргументи. Не се граѓаните виновни, лето е, 40 степени, стаорци ќе почнат да излегуваат. Тие што нема да се качат во камионите добро нека размислат, нека не се појавуваат в понеделник“, вели Мазнева во разговорот.