(Видео) Се работи и во доцните часови: Започна решавањето на долгогодишниот проблем со атмосферската канализација во Бутел

Интензивни градежни активности се одвиваат и во доцните вечерни часови во општина Бутел, каде што се работи на изградба на нова атмосферска канализација на улиците „Бутелска“ и „Радишанска“.

Градоначалникот на Скопје, Орце Ѓорѓиевски, објави видео од терен на кое се гледаат работниците и механизацијата ангажирани на реализацијата на проектот.

— реклама —

Тој информира дека активностите се одвиваат со засилен интензитет, а работата е организирана со внимание кон мирот на жителите, со цел што побрзо да се реши проблем кој, како што посочува, ги засега граѓаните со години.

— реклама —

„Зад секој поставен метар канализација стои нашата обврска да обезбедиме побезбедни улици и достоинствени услови за живот. Тоа го ветив и на тоа работиме, секој ден, до доцна во ноќта“, објави Ѓорѓиевски.

Тој упати благодарност до работниците кои и во доцните часови се на терен, нагласувајќи дека нивниот труд е важен за реализација на проектот и подобрување на условите за живот на жителите.

— реклама —

„За мојот народ, секој час работа вреди. Скопје се сака со дела!“, порача градоначалникот.