Ирачката државна телевизија објави снимка од акцијата на американските воени сили во Сирија во која наводно е убиен лидерот на Исламска држава Абу Бакр ал Багдади. На снимката се гледа како засолништето на Ал Багдади целосно уништено по нападот.
Според сознанијата на телевизијата, ирачкото разузнавање на американските сили им го покажале местото каде што се криел ал-Багдди. Благодареноста од американската администрација била испратена до кабинетот на ирачкиот премеир Адел Абдел Махди, се наведува во прилогот.
Претходно во агенциските извештаи, исто така, беше наведено дека разузнавачките служби на Ирак помогнале да се утврди локација на лидерот на Исламската држава. Во операцијата за којашто се верува дека резултирала со елиминација на ал-Багддади во селото Бариша во сириската покраина Идлиб, биле вклучени осум американски хеликоптери и две беспилотни летала. Според извори од ирачките безбедносни сили, операцијата во Идлиб била изведена ноќта кон неделата, и траеле час и половина во кој бил извршен десант. Се наведува, исто така, дека во претходно изведениот воздушен удар врз куќата за која постоеле информации дека се крие ал-Багдади во обидот своето семејство да го извлече кон Турција, биле убиен и двете негови сопруги и уште шест други лица, меѓу кои и едно дете. Истовремено, специјалните служби не ја исклучуваат можноста ал-Багдади и неговите жени да активирале експлозивни направи за да не бидат заробени.
https://twitter.com/arabnews/status/1188347286604210176?ref_src=twsrc%5Etfw%7Ctwcamp%5Etweetembed%7Ctwterm%5E1188357040156098561&ref_url=https%3A%2F%2Fa1on.mk%2Fworld%2Fvideo-objavena-snimkata-od-akcijata-vo-koja-e-ubien-al-bagdi%2F
