(Видео) Објавена снимка од нападот: Уништени делови од верски комплекс во Иран

Иранските медиуми објавија снимка за која тврдат дека ги прикажува последиците од американско-израелски напад врз верски комплекс во градот Занџан, едно од значајните шиитски центри во централниот дел на земјата.

Според полудржавната агенција Mehr News, нападот бил извршен врз џамија и придружен комплекс, при што е предизвикана значителна материјална штета.

— реклама —

На снимката се забележуваат урнати делови од објектот, разфрлани остатоци и чад кој се издига од погодената локација.

Според државната агенција ISNA, во нападот загинале три лица, а повеќе други се повредени.

— реклама —

„Во нападот загинаа три лица, додека повеќе лица се повредени“, соопшти ISNA.

Иранската државна агенција IRNA наведува дека биле погодени повеќе делови од комплексот.

— реклама —

„Уништени се административни и културни објекти, вклучително и библиотека и сала за собири“, соопшти IRNA.

Засега нема официјална потврда од американска или израелска страна за нападот, додека информациите доаѓаат исклучиво од ирански извори.

Инцидентот се случува во услови на засилени воени дејствија во регионот, со зголемен ризик од понатамошна ескалација на конфликтот.