(Видео) Објавени снимки: Русија повторно го употребила „Орешник“? Масовен ракетен напад врз Украина

Русија во текот на ноќта извршила масовен ракетен напад врз Украина, а според првичните информации, во нападот била употребена и балистичка ракета со среден дострел РС-26 „Рубеж“, позната и како „Орешник“.

Еден од ударите бил регистриран во поширокото подрачје на Била Церква во Киевската област.

— реклама —

Информацијата за употребата на ракетата ја потврдил Јуриј Игнат, портпарол на украинското воено воздухопловство. Според него, ракетата била лансирана од рускиот воен полигон Капустин Јар.

На видеоснимки кои се шират на социјалните мрежи се гледа карактеристична серија удари и одвојување на боеви глави, по што следуваат повеќе силни експлозии.

— реклама —

Украинските власти засега официјално не соопштија детали за евентуалната штета или можни цивилни жртви.

Доколку информациите бидат потврдени, ова би било трета употреба на „Орешник“ од страна на Русија против Украина. Првиот напад со ова оружје беше извршен врз Днипро во ноември 2024 година, а вториот врз Лавовската област во јануари годинава.

— реклама —

Украинскиот претседател Володимир Зеленски претходно предупреди дека, според разузнавачки информации од американски и европски партнери, Русија подготвува нов комбиниран напад во кој би можела да биде употребена токму оваа ракета.

— реклама —

„Орешник“ е балистичка ракета со среден дострел, способна за многу големи брзини и маневрирање во завршната фаза на летот, што ја прави исклучително тешка за пресретнување. Рускиот претседател Владимир Путин во изминатите месеци повеќепати ја споменуваше како дел од „новата генерација“ руско стратешко оружје.