(Видео) Од Врховен, преку судија и Владата до Судскиот совет: како, според Катевеновски, течела постапката за негово разрешување

Поранешниот судија на Врховниот суд, Ристо Катевеновски, во гостувањето во „Претрес со Ландов“ изнесе теза дека неговото разрешување во 2020 година било иницирано по дојава од колега судија, кој во Владата најверојатно открил дека не сакал да ја потврди пресудата за поранешната министерка за внатрешни работи Гордана Јанкуловска во предметот познат како „мерцедесот на Груевски“.

Катевеновски наведе дека формално бил разрешен за предмет поврзан со бизнисменот Сеад Кочан, но посочи дека не бил разрешен на истата седница кога биле разрешени уште двајца судии, туку подоцна, откако јавно изразил став дека нема да гласа за потврдување на казната за Јанкуловска.

— реклама —

„Не е директно до Судски совет. Додека некој не им каже, тие не постапуваат. Мора да им каже некој“, изјави Катевеновски, алудирајќи дека информацијата за неговиот став била пренесена надвор од салата каде што се водела расправата. Тој рече дека нема материјален доказ, но дека знае кое лице ја пренело информацијата.

— реклама —

Според неговите зборови, станувало збор за судија кој имал амбиции да стане претседател на суд и кој, како што рече, бил близок до СДСМ.

„Не доби награда, го зафркнаа“, додаде Катевеновски. На прашањето дали информацијата ја пренел судијата Џемаили Саити, тој одговори со „можеби“, без дополнително појаснување.

— реклама —

Во емисијата, Катевеновски говореше и за предметот „Грчец“, за одлуките поврзани со настаните од 27 април, како и за постапката во случај во кој припадник на ЕБР беше осуден на 11 години затвор, изнесувајќи детали за текот на судската процедура и начинот на одлучување.

Нечуени детали и непоставени прашања за правораздавањето: