(Видео) Оклахома победи, но Џејлен Вилијамс беше изнесен на носилки по тешка повреда, соиграчите во солзи

Оклахома триумфираше над Лос Анџелес Клиперс со 108-101, но натпреварот го одбележа драматичната повреда на еден од најдобрите кошаркари на Тандерс, Џејлен Вилијамс.

— реклама —

Вилијамс се повреди на само 74 секунди пред крајот, при продор кон противничкиот кош, кога над него беше направен прекршок. Медицинскиот тим веднаш интервенираше, а поради повредата на долниот дел од левата нога, кошаркарот мораше да биде изнесен од теренот на носилки.

— реклама —

Прекинот траеше околу пет минути. Сцените на паркетот ги потресоа играчите на двете екипи, а дел од соиграчите на Вилијамс едвај ги задржуваа солзите додека медицинските лица му помагаа.

— реклама —

И покрај болниот момент, Вилијамс покажа спортски дух. Додека го изнесуваа од арената, тој со кренати палци ја поздрави публиката, испраќајќи порака до навивачите и во еден од најтешките моменти на натпреварот.