(Видео) Откако девојче вперува пушка кон братчето во Крушево, полицијата влезе во нивниот дом

Полицијата целосно го расветли случајот од крушевското село Јакреново, кој предизвика бурни реакции на социјалните мрежи, откако беше објавено видео на кое 15-годишно девојче вперува ловечка пушка кон главата на својот 11-годишен брат.

— реклама —

Како што соопшти Министерството за внатрешни работи, на 14 ноември 2025 година околу 13 часот, полициски службеници од ОВР Крушево извршиле интервенција во домот на семејството, при што од Ф.А. (44) од с. Јакреново била одземена ловечка пушка, ременик и дозволата за поседување оружје.

— реклама —

View this post on Instagram

Од МВР потврдија дека, по спроведените мерки и консултациите со јавен обвинител, е утврдено дека настанот се случил во семејниот дом, а оружјето со кое девојчето позирало било легално поседувано од таткото.

— реклама —

Оружјето е одземено, а по целосно документирање на случајот против Ф.А. ќе биде поднесена соодветна кривична пријава.

— реклама —

Инцидентот предизвика загриженост во јавноста, особено поради тоа што се работи за малолетници и огнено оружје, а полицијата порача дека ќе продолжи со засилен надзор и санкции за неодговорно чување и употреба на оружје.