(Видео) Отстрането украинското знаме од центарот на Приштина по посетата на Зеленски на Белград

Украинското знаме, кое околу четири години стоеше на фасада во центарот на Приштина како симбол на поддршка за Киев, денеска е отстрането, само еден ден по посетата на украинскиот претседател Володимир Зеленски на Белград.

Градоначалникот на Приштина, Пепарим Рама, објави снимка од отстранувањето на знамето и порача дека Приштина „секогаш одговара исто“ кога, како што наведе, не се почитува Косово.

— реклама —

„Кога Косово не се почитува, главниот град Приштина секогаш одговара исто“, напиша Рама на Фејсбук.

— реклама —

Тој додаде дека солидарноста на граѓаните на Приштина ќе остане со народите кои се соочуваат со војна, насилство и прогон, но дека ниту една цел не може да се гради со „омаловажување на државноста на Косово и жртвата на неговиот народ“.

Отстранувањето на знамето следува еден ден по посетата на Зеленски на Србија. За време на посетата, украинскиот претседател порача дека ставот на Киев за непризнавање на Косово останува непроменет.

— реклама —

Големото украинско знаме беше поставено во центарот на Приштина по почетокот на војната во Украина и со години беше симбол на поддршка за украинскиот народ.