Со овации, гордост и многу емоции, вечерва на Меѓународниот аеродром во Скопје беа пречекани членовите на ансамблот „Студио Фолклор“, кои се вратија од големата турнеја и меѓународниот натпревар во Бразил.
Ансамблот од натпреварувањето се враќа со две значајни признанија за Македонија. „Студио Фолклор“ го освои првото место според гласовите на публиката од целиот свет, додека стручното жири им ја додели третата награда.
Успехот беше проследен со свечен пречек на скопскиот аеродром, каде што членовите на ансамблот беа поздравени со громогласни овации од присутните.
Од ансамблот порачаа дека се особено горди на освоените признанија и на можноста преку македонскиот фолклор да ја претставуваат земјата на голема меѓународна сцена.
„Браво, наши шампиони! Македонија се гордее со вас!“, порачаа од „Студио Фолклор“.
