Патничкиот авион Ан-24 на авиокомпанијата „Ангара“ принудно слета на аеродромот во Нижнеангарск во Русија и притоа загинале двајцата пилоти.
Сите патници во авионот го преживеаја падот. Локалните медиуми јавуваат дека сите 42 патници биле живи извадени од остатоците од авионот, а 19 од нив завршиле во болница поради повреди.
На авионот кратко по полетувањето му откажал едниот мотор, па пилотите одлучиле да се вратат од местото на полетувањето. Додека се обидел да слета, авионот удрил во фабриката за прочистување на вода, по што се запалил.
Министерството навело дека авионот на компанијата „Ангара“ ја промашил пистата при принудното слетување, удрил во помал објект за потоа во леталото да избие пожар кој бил локализиран.
LkaBw6yvCNM
