Во главниот град Скопје денеска пристигна првиот снег. Попладнево во повеќе градови низ Македонија врне снег.
Според прогнозата до крајот на денот во поголем дел од земјава ќе се формира снежна покривка, а во западните делови позначително ќе се зголеми. Ќе дува слаб до умерен ветер претпладне од јужен, а попладне од северозападен правец.
Времето утре ќе биде променливо облачно и студено, во текот на денот со повеќе сончеви периоди. Ќе дува слаб до умерен ветер од северен правец, поизразен вдолж Повардарието.
Според мерењата од 16 часот денеска, најмногу снег има на Попова Шапка, 31 сантиметар, а најниска температура од 0 степени во Крива Паланка.
