Пејачката Каролина Гочева изведе една од своите најпознати песни, „Крај“, на клавир, во посебна интимна верзија. Таа видеото го сподели на социјалните мрежи, а во описот им се заблагодари на обожавателите за нивната постојана поддршка:
„Во последно време „Крај“ почна погласно да се пее на сите концерти и сѐ почесто добивам и гледам разни видеа, ремикси… па направив една кратка домашна, инстаграм верзија да ви се заблагодарам што после 15 години ја вративте песната во живот.
И, иако немам TikTok, сепак ве следам 👀 и уживам во вашите видеа“, напиша Каролина во описот на видеото.
Обожавателите веднаш реагираа со коментари под видеото: „Каролина, продолжи баш вака, да им даваш одново душа на твоите песни. Ни фалиш“, „Сакаме уште вакви клипчиња, практикувај го ова“, „Одлично звучи и оваа варијанта Врвно!“.
