Бразилски манекен почина откако му се слошило на писта за време на Модната недела во Сао Пауло.
Oрганизаторите на настанот соопштија дека 26-годишниот Талес Соареш паднал за време на ревијата на модниот бренд „Окса“ и лекарски тим веднаш му укажал помош. Тој бил прогласен за мртов откако бил превезен во болница. Други детали за трагичниот настан не се објавени.
„На Соареш наеднаш му се слошило за време на нашата ревија. Целиот тим е шокиран“, соопшти модната куќа „Окса“.
