Пристигнува четвртата сезона на хит психолошкиот трилер „You“.
Нетфликс објави најава за четвртата сезона и откри дека ќе биде поделена на два дела. Првиот дел пристигнува на 10 февруари, а вториот дел на 10 март.
„Длабоко сме благодарни што Нетфликс ѝ даде таква поддршка на серијата и што луѓето ширум светот уживаа да гледаат како Џо погреши во последните три сезони. Целиот тим е возбуден да истражува нови, темни аспекти на љубовта во четвртата сезона“, рече Сера Гембл, една од сценаристите на серијата.
Најавата покажува дека Џо сега е во Лондон и дека уште еднаш го сменил името. Сега се вика Џонатан Мур и е професор.
„Овој пат се фокусирам на академиците и наставата, додека моите типични воннаставни активности ги одржувам строго професионални“, вели Џо во најавата.
Член на старата екипа потврдено дека ќе се врати во четвртата сезона е Пен Бадгли, додека Тати Габриел ќе ја игра Мариен во претстојната сезона. Во февруари 2022 година, беше објавено дека Лукас Гејџ се приклучил на актерската екипа и ќе го игра Адам, американски иселеник и најмладиот син на богат магнат од источниот брег. Опишан како претприемач и коцкар, Адам е срдечен и духовит, но крие многу тајни.
