(Видео) Пожар во Центарот за јавно здравје во Струмица брзо изгаснат, спречена поголема штета

Во објектот на Центар за јавно здравје Струмица, на улица „Панче Пешев“, денеска во 10:42 часот избувнал пожар во просторија на првиот кат.

— реклама —

На терен интервенирала Територијалната противпожарна единица Струмица со едно противпожарно возило и пет пожарникари-спасители. Благодарение на брзата интервенција и навремената дојава, пожарот бил целосно локализиран и изгаснат за кратко време по пристигнувањето на екипите.

— реклама —

— реклама —

Со интервенцијата е спречено ширење на огнот кон останатите простории, со што е избегната поголема материјална штета.

Од надлежните служби апелираат граѓаните во случај на пожар или друга природна непогода да ги користат итните броеви 112 или 193.