Изгаснат е пожарот што денеска околу 13 часот изби во галијата во Вардар, во центарот на Скопје.
Од противпожарната бригада информираа дека нема повредени лица.
Причина за пожарот најверојатно е човечки фактор, но како што истакнаа надлежните засега е непозната и дополнително ќе се утврдува.
[embed]
HLZdNdMs11o[/embed]
Претходно командант на Противпожарната бригада, Ѕвонко Томевски, за „Макфакс“ изјави дека била опожарена внатрешноста на галијата, а на терен излегле дванаесетмина пожарникари и три возила.
Ова не е првпат галијата да биде опожарена. Кусо откако Град Скопје во 2021 година почна да ја урива, пожар изби во нејзината внатрешност, а пожар имаше и во март годинава.
Макфакс
