(Видео) Прилепската фабрика изгоре - од каде изби пожарот?

Пожарот кој се случи пред осум дена во прилепската фабрика „Тила“ избил на покривот кај панелите за струја, велат на нивниот официјален Фејсбук профил. Ги критикуваат надлежните институции  дека дури по шест дена земале примероци за да ја побараат  причината.

— реклама —

„Како се случи пожарот?! Она што ние го видовме со свои очи и она за кое сведочат нашите соседи е дека пожарот избил на покривот на фотоволтаичните панели кои тие произведуваат струја, а она што ние не го знаеме е како избил пожарот и што го предизвикало тоа. Одговор на ова прашање очекуваме сите ние од надлежните институции кои вчера после 6 дена од денот на пожарот зедоа примероци од инверторите од фотоволтаиците со цел да ја утврдат причината за избивањето на пожарот“, велат од прилепската фабрика во својата објава на Фејсбук.

— реклама —

— реклама —

Пожарот започна во 13:20 часот на 21 април, а е изгаснат 35 минути по полноќ. Во текот на целото гаснење на пожарот интервенирале вкупно 20 пожарникари со 10 противпожарни возила, соопшти ЦУК тогаш за индидентот.