(Видео) Приведени 46 навивачи во Загреб на натпреварот меѓу Динамо и Хајдук, запленета голема количина пиротехника

На фудбалскиот натпревар Динамо-Хајдук од 34. коло на Хрватската национална лига, кој се одржа на загрепскиот стадион „Максимир“, уапсени се 46 лица, соопшти хрватското Министерство за внатрешни работи.

— реклама —

Според податоците на Министерството, на натпреварот имало околу 21.000 посетители, а пред мечот била запленета голема количина пиротехника.

„Полицијата заплени голема количина пиротехнички средства пред натпреварот. Вкупно се приведени 46 лица. Ги растеруваме посетителите. Ги повикуваме граѓаните да ги почитуваат упатствата на полицијата“, се наведува во соопштението на полицијата на социјалната мрежа Икс.

— реклама —

— реклама —

Претходно полицијата објави дека пред почетокот на натпреварот биле приведени 31 лице.

Од хрватското МВР ги повикаа навивачите на коректно однесување и спортско навивање.

— реклама —

„Поддржете го својот клуб. Почитувајте го противникот. Чувајте ја безбедноста на сите“, порачаа од полицијата.