(Видео) Продолжува реконструкцијата на улицата „7-ми Ноември“ во Охрид

По завршувањето на градежните активности за реконструкција на дел од улицата „7-ми Ноември“ во Охрид, започнува следната фаза од проектот, информира градоначалникот Кирил Пецаков.

— реклама —

Втората фаза ќе се реализира во две подфази, со цел побрзо завршување на работите и олеснување на движењето за граѓаните. Првата подфаза ќе го опфати потегот од фабриката „Братство“ до ОУ „Братство Единство“, додека во втората ќе се реконструира делот од училиштето до пресекот со булеварот „Туристичка“.

— реклама —

— реклама —

Според проектот, предвидена е санација на атмосферската канализација, изградба на нови и безбедни тротоарски површини, како и подземно поставување на кабелските и останатите оператори.

Работите ќе опфатат и поставување нов асфалт и целосна реконструкција на коловозната лента, како и ново улично осветлување.

Пецаков упати апел до сите учесници во сообраќајот за разбирање и трпеливост во периодот на изведувањето на градежните работи, како и за почитување на привремениот сообраќаен режим.