(Видео) Пронајдено уште едно тело откако авион се урна врз куќа во Германија

Двајца мажи загинаа откако мал авион денеска, непосредно пред 11 часот, се урна врз семејна куќа во покраината Долна Саксонија, во северниот дел на Германија.

— реклама —

Несреќата се случила во местото Гандеркезе, во близина на Бремен. Спасувачките екипи најпрво пронашле едно тело, а по неколкучасовна потрага било пронајдено и телото на второто лице кое се наоѓало во леталото.

— реклама —

Според првичните информации, авионот полетал од Бремен, но кратко потоа почнал да губи висина и се урнал во станбена населба. Причините за несреќата засега не се познати и се предмет на истрага.

Полицијата сè уште не го соопштила идентитетот на загинатите, а најави дека повеќе информации ќе бидат објавени во текот на вечерта.

— реклама —

Во моментот на несреќата сопствениците на куќата не биле во домот, па нема повредени меѓу жителите.

— реклама —