(Видео) Пукање во познат ресторан во Белград: ранет сопственикот, напаѓачот уапсен

Во познат ресторан во Белград денеска дошло до пукање во кое е ранет сопственикот на локалот, додека полицијата соопшти дека е уапсен Д. М. (24), осомничен за обид за тешко убиство.

— реклама —

Инцидентот се случил околу 11:30 часот во угостителски објект на Нов Белград, а според српските медиуми, пукањето предизвикало паника меѓу гостите и вработените.

Повредениот маж бил пренесен во Ургентниот центар со прострелни рани, а засега нема официјални информации за неговата здравствена состојба.

— реклама —

Дел од медиумите објавија дека нападот се случил во ресторанот „Џери“, кој и претходно бил цел на напад, откако пред околу три и пол месеци таму била фрлена експлозивна направа.

— реклама —

На местото веднаш пристигнале полициски екипи и Итна помош, а истражителите вршат увид и ги прегледуваат снимките од безбедносните камери.

Мотивот за нападот засега не е познат, а истрагата продолжува.

View this post on Instagram