(Видео) Пукање во Турција: Четворица загинати, напаѓачот е во бегство

Вооружен напаѓач отворил оган на југот на Турција, при што загинале четири лица, а осум биле ранети, пренесуваат локалните медиуми.

Пукањето се случило во округот Тарсус, во покраината Мерсин.

— реклама —

Според информациите, нападот започнал во ресторан, по што осомничениот избегал со автомобил.

— реклама —

Турската полиција, со поддршка од хеликоптери, започнала голема акција за пронаоѓање на напаѓачот, за кого медиумите наведуваат дека е 17-годишник.

— реклама —

Според турските медиуми, две лица биле убиени во ресторанот, а се претпоставува дека станува збор за сопственикот и еден вработен.

— реклама —

Напаѓачот потоа продолжил да пука и убил возач на камион и овчар кој во близина чувал стадо овци.

Мотивот за нападот засега не е познат.