(Видео) Рајс воодушевен од човечките квалитети на Јамал: „Неговиот гест навистина ме трогна“

Пред големото дерби меѓу Шпанија и Англија во Лигата на нации, Деклан Рајс упати пофалби за Ламин Јамал, не само поради неговиот фудбалски талент, туку и поради неговата човечност.

— реклама —

Англискиот репрезентативец откри дека младиот шпански фудбалер оставил посебен впечаток кај него откако по првиот меѓусебен дуел на „Вембли“ издвоил време да се фотографира со неговиот син, кој е голем обожавател на Јамал.

Рајс бил особено трогнат од гестот, кој го оценил како доказ за карактерот на младата фудбалска ѕвезда.

— реклама —

— реклама —

„Неговиот потег беше навистина многу убав и тоа многу го ценам како татко. Знам дека има помлад брат за кого се грижи, па мислам дека тоа му доаѓа природно. Тој гест навистина ме трогна“, изјави Рајс.

Тој со насмевка откри и дека неговиот син не е воодушевен од претстојниот дуел, бидејќи не сака татко му да игра против својот омилен фудбалер.

— реклама —

„Јас не играв на првиот натпревар, па сега мојот син постојано ме прашува зошто ќе играм против Јамал. Јасно е дека не сака да играм против него“, раскажа Рајс.