Денешните случувања се само потврда за разединетоста на пратеничката група на ДПМНЕ. Во овој мандат видовме многу блокади, но денеска за прв пат од независноста видовме блокада на пратеничките прашања, истакна на прес-конференција Лолита Ристова, пратеничка од СДСМ.
Лагите на пратеничката Стојаноска, вели таа, се спротивни на вредностите и заложбите на сите коишто се бориме за родова еднаквост.
[embed]
„Недозволиво е да се злоупотребува и блокира собраниската говорница за изнесување лаги, тоа граѓаните не го заслужуваат.
Секојдневно ги слушаме лагите и непристојните изрази на колешката Дафина Стојаноска кажани од собраниската говорница.
Ваквото однесување на пратеничката која не штеди отровни зборови се спротивни на демократските вредностите во овој законодавен дом.
Маричиќ бил и е борец за родова еднаквост, промотор на рамноправноста и силен поддржувач на македонските прогресивни и демократски политики. Сосема е јасно дека денешните случувања во Собранието ја потврдуваат нервозата во пратеничката група на ДПМНЕ“, истакна Ристова.
