(Видео) Девојче не одговарало на телефон и не ја отворало вратата: Пожарникари со авто-скала се качиле до станот на четврти кат за да проверат дали е добро

Необична интервенција имале пожарникарите-спасители од ТППЕ Струмица вечерва на улицата „4 Јули“, откако родители побарале помош поради тоа што нивната малолетна ќерка не одговарала на телефонските повици и не ја отворала вратата.

— реклама —

Станот се наоѓал на четвртиот кат, па пожарникарите со помош на авто-скала пристапиле до терасата. Откако било овозможено отворањето на вратата, тие влегле во станот за да проверат дали девојчето е безбедно.

— реклама —

Наместо опасност, пожарникарите ги дочекала сосема неочекувана глетка. Девојчето било безбедно и спиело длабоко, поради што не ги слушнало ниту телефонските повици ниту ѕвонењето на вратата.

— реклама —

Од ТППЕ Струмица интервенцијата ја опишаа како необична, но за родителите таа завршила со огромно олеснување.

View this post on Instagram