Русија утринава изврши еден од најголемите воздушни напади врз Киев од почетокот на војната, при што беа лансирани повеќе од 50 ракети и околу 700 дронови.
На социјалните мрежи се појавија снимки на кои се гледа погодок на крстосувачка ракета во централниот дел на украинската престолнина, како и напади со дронови „Шахед-2“ врз повеќе цели низ градот.
Според украинската армија, Русија во текот на ноќта лансирала околу 600 дронови и 90 ракети, меѓу кои и една ракета со среден дострел.
Во текот на нападот, украинската противвоздушна одбрана дејствуваше низ повеќе делови од градот, додека експлозии и пожари беа пријавени во неколку квартови во Киев.
Украинските власти наведуваат дека нападот бил насочен кон цивилна и критична инфраструктура, а точниот број на жртви и причинетата штета сè уште се утврдува.
