Почна враќањето на илјадниците посетители од Охрид кон Скопје. Иако многумина тргнаа уште вечерва со надеж дека ќе ги избегнат утрешните гужви по продолжениот празничен викенд, сепак заглавија во долги колони.
Километарски редици од возила вечерва се создадоа по спустот од Стража кон Гостивар, каде што сообраќајот се одвива забавено поради големиот број автомобили. Продолжениот викенд, концертите и преполните туристички капацитети во Охрид донесоа десетици илјади посетители.
Се очекува сообраќајниот метеж да продолжи и утре во текот на денот, кога најголемиот дел од туристите ќе се упатат кон своите домови.
