(Видео) „СДС и Филипче како адвокати во одбрана на Михаилова, повторно против Македонија“, вели Манасиевски

Портпаролот на партијата, Валентин Манасиевски, на денешната прес-конференција бара надлежните органи да го истражат случајот со Ива Михаилова, обвинувајќи го СДС дека застанал во нејзина одбрана. Валентин Манасиевски изјави дека сомнежите се однесуваат на лекарскиот извештај врз основа на кој, според него, Михаилова го напуштила судскиот процес.

— реклама —

Манасиевски тврдеше дека извештајот бил изготвен од докторот Иван Барбов, кого го поврза со Венко Филипче и Зоран Заев. Според него, во документот било наведено дека Михаилова мора да се лекува во Бугарија, но тој изрази сомнеж дека зад таквата процена стојат Филипче и Заев.

— реклама —

Портпаролот на ВМРО-ДПМНЕ посочи дека, според неговите наводи, и самиот Барбов изјавил оти Михаилова немала сериозни медицински проблеми и дека лекувањето можело да продолжи во Македонија.

Манасиевски оцени дека ова дополнително ги засилува сомнежите на неговата партија дека лекарскиот извештај бил изготвен со намера да се овозможи нејзиното лекување во Бугарија.

— реклама —

Тој го обвини СДС дека во овој случај застанал во одбрана на Михаилова и побара надлежните институции да ги испитаат околностите и да обезбедат, како што рече, правда.