Се чини дека холандскиот амбасадор Дирк Јан Коп в лице ни ја кажа суровата вистина.
„Што правите вие освен што натрупувате изговори за исполнување на барањата за членство?! Зошто вие не ги завршивте потребните реформи пред петнаесет години како и другите земји? Слушам дека Европската унија е виновна и дека членството е заедничка одговорност, како и тоа дека ние премногу ве оставаме да чекате. Вистината е дека членството е ваша одговорност и вие нѐ оставате нас да ве чекаме премногу. По децении огромна поддршка, каде отидоа парите на нашите даночни обврзници?!“, праша Коп.
Коп во говорот Судскиот совет повторно го оцени како нелегитимно тело, а со последните измени на Кривичниот законик вели дека се обезбедува неказнивост на високи функцинери и се фрлаат во канта за отпад голем број на случаи поврзани со корупција.
