Се излеа Дунав во Будимпешта. На објавените снимки се гледа дека водата стигнала до зградата на унгарскиот парламент во Будимпешта.
Според прогнозите, водостојот на Дунав во Будимпешта викендов ќе го достигне својот врв, околу 850 сантиметри.
Унгарскиот премиер Виктор Орбан утринава на прес-конференција изјави дека состојбата со поплавите сè уште е сериозна и тешка.
„Поради обилните дождови и поплавите, ситуацијата е критична во цела Централна Европа“, објави унгарскиот премиер Виктор Орбан во објава на социјалната платформа Х.
Силни ветрови и невообичаено обилни врнежи погодија делови од Австрија, Чешка, Унгарија, Полска, Романија и Словачка. Најмалку 22 лица загинаа во екстремни временски услови и поплави предизвикани од циклонот Борис во централна Европа.
