(Видео) Се сруши тренажен авион во Грција – двајца пилоти повредени

Tренажен авион утрово се сруши на аеродромот Татој, северно од Атина, соопштија грчките власти.

— реклама —

Според првичните информации, несреќата се случила за време на полетувањето, кога дел од крилото се одвоил од леталото, по што авионот паднал на пистата, пренесе весникот Katimerini.

— реклама —

Во моментот на падот во авионот се наоѓале двајца пилоти. Пилотите со возило на Итната помош биле пренесени во болницата на Воздухопловните сили во Атина. Засега не е позната нивната здраствена состојба .

Несреќата се случила за време на планиран лет за одржување, а причините за падот се предмет на истрага што ја спроведуваат грчките воздухопловни власти.

— реклама —

Станува збор за авион тип P2002-JF, лесен двоседен тренажен авион со еден мотор и ниско крило, кој се користи за основна обука на кадетите на воена академија.

— реклама —