„Пукна гасоводот од силината на ЗЕМЈОТРЕСОТ, пожарот се шири без контрола“: ОГРОМЕН ПОЖАР на југот на Турција (ВИДЕО)
Се појави видео снимка на која се гледа како огромен пожар избувнува високо во воздухот во јужна Турција, по катастрофалниот земјотрес што ја погоди границата на земјата со Сирија.
Корисниците на социјалните мрежи тврдат дека земјотресот што ја погоди Турција предизвикал пукање на гасовод и пожар кој се проширил и е надвор од контрола, пишува Би-би-си.
„Од силината на земјотресот пукнаа гасоводите на долината Амик во Хатај. Пожарот се прошири на нивите“, вели корисник на „Твитер“ под името „Ленар“, приложувајќи го видеото.
https://twitter.com/Lerpc75/status/1622430411681931266?ref_src=twsrc%5Etfw%7Ctwcamp%5Etweetembed%7Ctwterm%5E1622430411681931266%7Ctwgr%5E37eb5d4ad00c2005e58f05ec2243f882b697a779%7Ctwcon%5Es1_c10&ref_url=https%3A%2F%2Fpulsembed.eu%2Fp2em%2FmKyY6zWzW%2F
Турскиот министер за енергетика Фатих Донмез утринава изјави дека земјотресот предизвикал сериозни оштетувања на енергетската инфраструктура на земјата, вклучително и гасоводи во близина на епицентарот, но не ги спомна конкретно експлозиите, јавува Би-Би-Си, кој откри дека една од снимките е направена во предградие на градот Хатај, 170 километри југозападно од Газиантеп, каде што е епицентарот на разорниот земјотрес.
Зградите и дрвјата што се гледаат на видеото одговараат на сателитски снимки од долината Амик во близина на Хатај. Познато е дека во регионот има гасоводи и нафтоводи според официјалните карти, наведува Би-би-си.
Агенциите претходно објавија дека протокот на нафта од Ирачки Курдистан преку турското пристаниште Џејхан е привремено прекинат по големиот земјотрес што ги погоди Турција и Сирија.
Исто така, беше објавено дека набргу по земјотресот дошло до експлозија, а потоа и пожар на гасоводот во селото Топбогази, во областа Кирихан, што го запрело протокот на природен гас кон провинциите Газиантеп, Хатај и Кахраманмарас и окрузите Пазарчик, Нарли, Бесни, Голбаши, Нурдаги, Ислахије, Реиханли, Кирихан и Хаса.
