Скопје се гуши, жителите реагираат поради високата загаденост на воздухот, додека градоначалничката Данела Арсовска се чуди на реакциите и тврди: „Не ја разбираме потребата од пласирање на лага за наводна загаденост на градот Скопје“.
Екипата на „Скопје1“ беше на Водно. Од врвот Крстовар на 1066 метри се гледа чадот над градот. Оној, кој Арсовска не го гледа и не и пречи.
Видете повеќе:
Претходно:
Не ја разбираме потребата од пласирање на лага за наводна загаденост на градот Скопје, велат од Градот
„Утрово како и секој друг ден од почетокот на грејната сезона сведоци сме на лажни вести кои во 21. век, во ера на информатичка технологија, кога податоците и вистината се достапни за секого може да се проверат“, велат од Град Скопје по објавите дека воздухот е со висок степен на загаденост.„Имено, неразбрлива е за нас потребата од пласирање на сензационалистичката лага за наводна загаденост на градот Скопје, особено поради фактот што светскиот мониторинг сервис „WAQI“ кој во реално време ги покажува податоците за нивото на загаденост во сите градови во светот, јасно покажува дека Скопје не е ниту најзагаден град во Македонија, а не пак во светот. Дополнително и на националните мерни станици се потврдува истото“, посочува Град Скопје.За нив, најзагадени градови во Македонија во последните 48 часа се Кавадарци, Струмица и Тетово.„Во реално време можете да ги следите резултатите од мерењата од сите градови и држави во светот наhttps://waqi.info/“, велат од Град Скопје.
Скопје | пред 2 години
