(Видео) Скопскиот татко по 72 часа мандат: Собрано петпати повеќе ѓубре од тоа што вообичаено се собира за викенд

Во првите 72 часа откако ја презеде функцијата градоначалник на Град Скопје, Орце Ѓорѓиевски спроведе голема акција за чистење на главниот град, во која биле собрани повеќе од 4.500 тони отпад.

— реклама —

View this post on Instagram

— реклама —

Во акцијата учествувале над 2.500 работници, а биле исчистени речиси сите микролокации со контејнери и диви депонии, како и речното корито на Вардар, кое, според градоначалникот, „по долги години конечно тече нормално“.

„Плоштадот ‘Македонија’ е исчистен, кејот беше целосно третиран, исто како и Градскиот парк, Жена парк и сите останати места кои во минатото беа симбол на срам за градот. Нема да дозволам повторно да ја гледаме грдата слика на валкано Скопје“, изјави Ѓорѓиевски вечерва на плоштадот, по завршувањето на акцијата.

— реклама —

Според податоците од Град Скопје, во текот на првите три дена биле изречени повеќе од 40 казни и 70 опомени за физички и правни лица кои несоодветно го одлагаат отпадот.

Градоначалникот најави дека контролите ќе продолжат, а сите кои ќе фрлаат смет на јавни површини ќе се соочат со санкции.
„Ова е само почеток на создавањето ново лице на Скопје – чисто, достоинствено и европско“, порача Ѓорѓиевски.