Дел од демонстрантите во Нови Сад вечерва ги демолираа просториите на Српската напредна странка (СНС) на Булеварот на ослободувањето.
Прво беа искршени стаклата, по што група лица влегоа внатре и изнесоа столици, картони со јајца, вода и други предмети.
Објектот беше гаѓан со јајца, а потоа прелиен со црвена и бела боја. Сцените се случија во тек на масовните протести што паралелно се одржуваат во повеќе српски градови.
