Со аплауз беше поздравена оставката на премиерот Димитар Ковачевски во Собранието, а од страна на пратениците од ВМРО-ДПМНЕ. Оставката е констатирана.
„Оставката на претседателот на Владата повлекува и оставка на Владата. Констатирам дека на претседателот на Владата и Владата им престанува мандатот. Владата останува на должност до избор на нова Влада“, кажа Мисовски.
Истото беше направено и со поднесената оставка од страна на пратеникот Талат Џафери.
„Констатирам дека на пратеникот Талат Џафери му престана функцијата“, кажа Мисовски.
Џафери и Ковачевски не ја образложија оставката пред пратениците.
