Агонијата низ која со години поминува Игор Пехчевски кој боледува од цистична фиброза, не запира. Стигна нова пратка со лекот „Трикафта“, а тој бара од надлежните да добие терапија. Истворемено, министерот Фатмир Меџити посочува дека лекот ќе го добијат тие за кои докторите ќе оценат дека им е неопходен. На социјалните мрежи Пехчевски обнзнаи дека згравствената состојба му е влошена. Тој го повика министерот Меџити веднаш да ги извести докторите на Детска клиника за да му го дадат лекот.
„Мојата здравствена состојба е алармантна. Од утрово искашлувам крв. Апел до вас, известете ги докторите од Детска клиника лекот трикафта да ми биде даден веднаш за да не биде предоцна. Некој во оваа држава свесно ме убива“ вели Пехчевски.
Пехчевски постојано бара да добие доза од „трикафта“, лек во кој гледа спас. Засега е неизвесно дали ќе биде еден од пациентите кои ќе го примат лекот од пратката која пристигна во Македонија.
