(Видео) Со „комшиски врски“ станала обвинителка: Ме фати за рака и ме однесе во обвинителството

Обвинителката Лидија Раичевиќ, која е кандидатка за раководната позиција во Обвинителството за гонење организиран криминал и корупција, во „Претрес со Ландов“ откри дека сосетка, која во тоа време била обвинителка, ѝ помогнала да ги направи првите чекори во обвинителството.

Запрашана како дошла до обвинителската функција и дали имала врски, Раичевиќ кратко одговори: „Комшиски“.

— реклама —

Потоа објасни дека како млада работела како адвокатски приправник во канцеларијата на адвокатот Илија Марков, но се соочила со проблем при обезбедувањето на потребната потврда за полагање правосуден испит.

„Јас бев адвокатски приправник во канцеларијата на адвокатот Илија Марков. Меѓутоа, требаше да полагам правосуден испит. Тој не ми даде потврда два месеца пред истекот на рокот за да можам да го подготвам. Јас дојдов дома плачејќи, бев млада“, раскажа Раичевиќ.

— реклама —

Тогаш, според нејзиното сведоштво, ѝ помогнала обвинителката Мимоза Илиќ, која живеела во истата зграда.

— реклама —

„Кога виде дека ми недостигаат тие два месеца, таа ме фати за рака и рече: ‘Ќе дојдеш во обвинителството’. Јас дојдов, волонтирав три години без денар, а потоа ме примија за стручен соработник“, изјави Раичевиќ.

На нејзиниот одговор, водителот Кристијан Ландов се пошегува: „Значи, бирајте ги комшиите“, на што обвинителката потврдно одговори.

Раичевиќ ја раскажа оваа епизода во разговорот за својата професионална кариера, состојбите во правосудството и нејзината кандидатура за раководната функција во обвинителството.

Од лекот за Ива Михаилова до Бошкоски, „Ровер“ и криминалот – Барбов и Раичевиќ во „Претрес“