Два мотори се судриле попладнево во скопската населба Ѓорче Петров, во близина на пазарчето.
Според првичните неофицијални информации, еден од моторите го управувал полициски службеник кој во моментот бил на работно место.
На местото на настанот пристигнала екипа на Итната медицинска помош, откако еден од возачите се пожалил на повреди здобиени во судирот.
Полицијата го обезбедува местото на несреќата, а се преземаат мерки за утврдување на околностите под кои дошло до судирот.
Засега нема официјални информации за тежината на повредите и за причините за несреќата.
