Пратеникот Љупчо Пренџов од ГРОМ реагираше за време на седницата на Анкетната комисија во Собранието за случајот „Онкологија“. Тој излезе со тврдење дека пратениците од СДСМ му поставуваат нарачани прашања на министерот за внатрешни работи, Оливер Спасовски. Ова го заклучил по одговорите на Спасовски.
Се налути и Спасовски, кој не можеше да каже детали од истрагата кои се тајни, а за кои се интересираше Пренџов.
„Треба да бидеш малку интелигентен. Штом ме викаат за случајот Онколгија, нема да зборам за кражба на дрва. Сигурно ќе бидам спремен“, му одговори Спасовски на пратеникот Пренџов.
